Lokaspretturinn hafinn
Nú erum við byrjuð aftur eftir gott páskafrí og tökum á móti hverjum skólanum á eftir öðrum allt til 31. maí. Nú eigum við aðeins örfá pláss eftir næsta vetur og hvetjum við því skólastjórnendur að leggja inn umsókn sem fyrst ef þeir vilja koma sínum skóla að næsta vetur. Vinátta, virðing, væntumþykja !
Páskafrí
Nú eru Skólabúðirnar komar í páskafrí. Starfið hefur gengið vel og ekkert aftrað því að skólar hafi komist til okkar í vetur. Það eru síðan Glerárskóli og Hörðuvallaskóli sem koma vikuna 8. - 12. apríl og síðan er óslitið starf til vors, en síðustu skólarnir fara frá okkur 31. maí. Við óskum öllum skólastjórnendum, nemendum og kennurum sem verið hafa í Skólabúðunum gleðilega páska. Njótum páskafrísins og sýnum hvort öðru VINÁTTU, VIRÐINGU og VÆNTUMÞYKJU!
Allt að verða fullbókað
Nú streyma inn umsóknir frá skólum til okkar og viljum við benda þeim skólastjórum á sem eiga eftir að leggja inn umsókn fyrir næsta vetur [2013 - 2014] að gera það sem allra fyrst. Allt útlit fyrir að það verði full bókað hjá okkur næsta vetur og því brýnt að sækja um sem allra fyrst. Fyrstir koma fyrstir fá...
Bókanir fyrir næsta skólaár
Fullbókað er hjá okkur til vors og munum við senda út umsóknir fyrir næsta skólaár í byrjun febrúar. Það er mikið mál að koma öllum fyrir og gera öllum til hæfis í þeim efnum og því biðjum við skólastjórnendur að sýna okkur skilning þegar kemur að því að úthluta tímum á næsta skólaári. Við reynum að verða við óskum sem flestra en það er bara ekki hægt í öllum tilfellum og því gildir gamla lögmálið; fyrstur kemur fyrstur fær. Í vetur er nokkrir skóla á biðlista og því hvetjum við alla um að sækja strax um þegar umsóknareyðublöðin berast til þeirra.
